CRISTNOGAETH AC ECOLEG

Mi fyddai'n hawdd i ni gael ein llorio gan faint y problemau byd eang rydym yn clywed amdanynt o ddydd i ddydd - tymheredd y byd yn codi, dinistr y fforestydd glaw, llygriad y môr, sychder a newyn, dilead rhywogaethau a’r cynhyrchu dibendraw ar arfau rhyfel. Yn aml maent yn ymddangos mor bell oddi wrthym fel bod gweithredu unigol yn ymddangos yn ofer. Ond peidiwn â digalonni- mae mwy a mwy o bobl yn cydnabod fod modd i bob un ohonom helpu'r sefyllfa trwy newid y pethau rydym yn eu defnyddio, ailfeddwl y modd rydym yn ymdrin â phobl eraill ac anifeiliaid, a dewis ffyrdd mwy cynhyrchiol o dreulio'n hamser. Mae'n bosib cyfeirio'n hymdrechion i newid y byd o'n hamgylch.

Sefydlwyd CEL ym 1981 gan Gristnogion oedd yn credu mai ein dyletswydd ni yw taclo'r problemau hyn a sefyll yn gadarn dros ein daliadau.

AMCANION A GWEITHGAREDDAU

1. Lledaenu dealltwriaeth ecolegol ymysg Cristnogion ac Eglwysi.
2. Lledaenu dealltwriaeth Gristnogol o'r Mudiad Gwyrdd.

Daw ein cefnogwyr o amrywiol draddodiadau Cristnogol - Anglican, Uniongred, Yr Eglwys Babyddol yn ogystal a'r Eglwysi Rhyddion yn cynnwys y Crynwyr a grwpiau tai.

Ceisiwn ysgogi diddordeb, trafodaeth ac ymwybyddiaeth newydd, a gweithredu ymarferol trwy gyfrwng cylchgrawn, cynhadleddau, a chyhoeddiadau achlysurol. Byddwn yn mynd o amgylch i gynnal sgyrsiau mewn eglwysi; gyda myfyrwyr a chymdeithasau eraill ac mae gennym rwydwaith o gelloedd lleol. Yn genedlaethol, rydym wedi:-

1. Darparu gwybodaeth i aelodau Synod Cyffredinol Eglwys Loegr (ar gyfer y dadleuon pwysig ar yr amgylchedd ac ynni niwclear).
   
   
2. Cynrychiolaeth ar Rwydwaith Cyd Eglwysig ar Faterion yr Amgylchedd.
   
   
3. Darparu deunydd ar gyfer gwasanaethau crefyddol, a phosteri ar gyfer eglwysi yn ystod Cynhadledd Y Ddaear yn Rio.
   
   
4. Darparu pecyn ar gyfer yr ymgyrch i wneud yr eglwysi yn ymwybodol o faterion gwyrdd.

Mae CEL yn gweithio gyda llawer o gyrff Cristnogol a chymdeithasau amgylcheddol, heb fod yn aelodau ffurfiol o unrhyw un

AMCANU AT EGLWYS WERDD

DIFATERWCH NEU WEIThrEDU?

1. Ymuno â CEL; cyfrannu i’r cylchgrawn; annog pobl eraill i’w ddarllen ac i ymuno â ni.
   
   
2. Cysylltu ag eraill yn eich bro i drefnu (gyda’n help ni), cyfarfod cyhoeddus, neu arddangosfa ar ecoleg yn dangos y dimensiwn Cristnogol.
   
   
3. Uno efo neu sefydlu cell o CEL yn lleol er mwyn edrych ar ffyrdd i droi egwyddorion yn weithgaredd.
   
   
4. Anfonwch am ein pecyn,"Sustainable Living Pack," sy'n cynnwys deunaw o bamffledi y gellir eu ffotogopio ar wahanol agweddau o addoli i drafnidiaeth werdd.
   
   
5. Anfonwch am fideo "How green is your Church?" deuddeg munud sy'n gallu bod yn fan cychwyn ardderchog i drafodaeth grwp neu ar gyfer gweithdy.
   
   
6. Edrych am ffyrdd i newid eich ffordd o fyw.

RHAI FFEITHIAU

1. Mae un rhan o dair o dir âr y byd dan fygythiad diraddiad y pridd. Mae hyn yn arwain i ddiffaethwch sydd yn bygwth 620 miliwn o bobl heddiw.
   
   
2. Ar y raddfa ymelwa presennol bydd fforestydd trofanol y glaw wedi diflannu ymhen 80 mlynedd gan golli rhywogaethau gwerthfawr am byth.
   
   
3. Er gwaethaf cyfoeth byd eang. amcangyfrifir fod 500 miliwn o bobl yn dioddef o ddiffyg maeth, 800 miliwn yn anghenus a 1200 miliwn yn dlawd iawn. Byddai'n bosib arbed dioddefaint fel hyn petai hyd yn oed cyfran fach o wariant milwrol yn cael ei wario ar gyfarpar dwr glân, iechyd, cyfarpar amaethyddol, ac addysg.
   
   
4. Mae poblogaeth y byd yn tyfu'n gynt nag erioed a bydd yn fwy na 6,000 miliwn erbyn diwedd y ganrif. Y ffordd orau i sefydlogi'r boblogaeth yw difodi tlodi a gwella gwasanaeth cynllunio teulu gwirfoddol.
   
   

CHRISTIAN ECOLOGY LINK:

Cefnogwyr:Y Gwir Barchedig James Jones, Fr Sean McDonagh, Y Gwir Barchedig Hugh Montefiore, Parch Dr Ruth Page, Yr Athro Syr Ghillean Prance, Jonathon Porritt, Dr Elaine Storkey.

TYSTYSGRIF Y MILENIWM

• yn cael hwyl
• yn dangos i eraill fod gwarchod y Cread yn gyfrifoldeb Cristnogol.
• yn derbyn Tystysgrif y Mileniwm gan CEL

Fe ellwch gael pecyn i roi arweiniad i chi gan Christian Ecology Link, 3, Bond Street, Lancaster, LA1 3ER, UK.

Mae'r problemau yn enfawr ac yn aml iawn yn perthyn yn agos iawn i’w gilydd ac nid ydym yn honni gwybod yr atebion i gyd.

Dim ond Duw sy'n gweld y cyfan. Trwy ddilyn ei air Ef a cheisio ei arweiniad,gallwn gydweithio â'i bwrpas a darganfod yr adnoddnau i fedru ymateb i’r gwaith.